ҺАВА ТОРЫШЫ +1 oC

Яңалыклар

барлык хәбәрләр Татарстан Россия
×

Җәмгыять

Литвада 2021 ел Литва татарлары тарихы һәм мәдәнияте елы дип игълан ителде

13 октябрь 2019, 15:12

Илдә 3200 татар яши, дүрт мәчет эшли.

(Казан, 13 октябрь, «Татар-информ»). Литва сеймы 2021 елны Литва татарларының тарихы һәм мәдәнияте елы дип игълан итте. Бу хакта ил парламенты матбугат хезмәте хәбәр итә.

700 ел элек Бөек Литва кенәзе Гедимин илгә Туктамыш хан белән бергә качып килгән татарлар берлеген оештыра.

«Татарлар Литва тарихында сизелерлек эз калдырган, барлык сугышларда һәм восстаниеләрдә катнашкан, Литва азатлыгы һәм бәйсезлеге өчен көрәшкән. Литва татар җәмгыяте Литва дәүләтчелеген, тарихын һәм мәдәниятен торгызуга зур өлеш кертә, үз тормышын Литва белән бәйли һәм аның тарихының бер өлеше булып тора», - диелгән Сейм резолюция текстында.

Литвада 3,2 мең татар яши. Татарлар Вильнюс һәм Алитус районнарында күпләп яшиләр. Илдә дүрт мәчет эшли, Lietuvos tutorial («Литва татарлары») айлык басмасы чыгарыла.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10