ҺАВА ТОРЫШЫ +5 oC

Яңалыклар

барлык хәбәрләр Татарстан Россия

Рәсми Татарстан

Рөстәм Миңнеханов Россия спорт министры белән очрашачак

12 октябрь 2019, 09:19 , Фото: архив tatarstan.ru

Рөстәм Миңнеханов Россия спорт министры белән очрашачак
Россия спорт министры Казанның кайбер зур спорт учреждениеләрендә булачак.

(Казан, 12 октябрь, «Татар-информ»). Бүген Татарстан Президенты Рөстәм Миңнеханов Татарстан Хөкүмәте Йортында берничә киңәшмә уздырачак, шулай ук Россия спорт министры Павел Колобков очрашып сөйләшәчәк. Бу хакта республика җитәкчесе матбугат хезмәте хәбәр итте.

Иртән Рөстәм Миңнеханов дәүләт программаларын гамәлгә ашыру, шул исәптән торак һәм социаль объектларны капиталь ремонтлау мәсьәләсе буенча киңәшмә үткәрергә планлаштыра. Гадәттәгечә, Татарстан Президенты Республикада кече һәм урта эшкуарлыкны үстерү һәм инвестпроектрларны гамәлгә ашыру турында докладлар тыңлаячак.

Киңәшмәдән соң Рөстәм Миңнехановның эш графигында Россия спорт министры катнашында берничә чара планлаштырылган.

«Татарстан Президенты Рөстәм Миңнеханов һәм Россия спорт министры Павел Колобков «спорт һәм социаль проектлар дирекциясе» коммерцияле булмаган автоном оешманың Күзәтчелек советы утырышында катнашырга планлаштыра», – диделәр матбугат хезмәтендә.

Казанда Павел Колобков берничә зур спорт учреждениесендә булырга, объект җитәкчеләре, шулай ук анда шөгыльләнүче спортчылар һәм аларның тренерлары белән очрашулар уздырырга планлаштыра. Көн программасында – Су спорт төрләре сарае, Казан олимпия резервы училищесы һәм шәһәрнең башка зур спорт объектлары.

Кич белән Павел Колобков Гимнастика үзәгенә 19 яшькә кадәрге яшүсмерләр арасында бадминтон буенча дөнья беренчелеге ярышларына киләчәк. Анда ул Бөтендөнья бадминтон федерациясе президенты Поль-Эрик Хейер Ларсен белән очрашачак.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10