ҺАВА ТОРЫШЫ +2 oC

Яңалыклар

барлык хәбәрләр Татарстан Россия
×

Җәмгыять

Лениногорскида өлкәннәр өчен вакансияләр ярминкәсенә йөздән артык кеше килгән

12 октябрь 2019, 09:15 , Фото: zamansulyshy.ru

Лениногорскида өлкәннәр өчен вакансияләр ярминкәсенә йөздән артык кеше килгән Эш эзлүчеләр өчен 53 вакансия 99 эш урынына тәкъдим ителде.

(Лениногорск, 12 октябрь, «Татар-информ», «Заман сулышы»). 10 октябрьдә Лениногорск Мәшгульлек үзәгендә, Өлкәннәр көненә багышланган пенсия алды яшендәге һәм пенсия яшендәге гражданнар өчен, шулай ук барлык эш эзләүчеләр өчен вакансияләр ярминкәсе узды. Ярминкәгә 121 кеше килде, шул исәптән 25 граждан пенсия алды яшендәге һәм 7 пенсионер иде.  Бу турыда район басмасы хәбәр итә.

Чарада 14 оешма-предприятие катнашты. Алар - Лениногорскполитехник көллияте, Лениногорск Үзәк район хастаханәсе, Инвалидлар һәм картлар өчен интернат-йорт, «Агроидея», «Агропак-Татарстан” җәмгыятьләре, “Лениногорская агрофирмасы” җәмгыяте, «Альтрейд», «Жилсервис», «Молоко плюс», “Торос” җәмгыятьләре, “Модуль” мебель компаниясе, «ДОСААФ РТ» Лениногорск автомәктәбе, «Татарстан почтасы».

Эш эзлүчеләр өчен 53 вакансия 99 эш урынына тәкъдим ителде. Вакансияләр турында тулы мәгълүмат бирелде: вахта ысулы, хезмәт хакы күләме, эш графигы, эш шартлары, таләпләр, медицина күзәтүе турында әйтелде.

Ярминкәгә килүчеләр Лениногорск Мәшгульлек үзәге базасында булган вакансияләр белән танышты, «Работа в России» порталы мөмкинлекләре белән танышты.

Эш эзләүчеләр үзләрен кызыксындырган сорауларны Мәшгульлек үзәгенә 5-24-77 һәм 5-58-94 телефоннарына шалтыратып белешә ала.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10