ҺАВА ТОРЫШЫ +4 oC

Яңалыклар

барлык хәбәрләр Татарстан Россия

Хәвеф-хәтәр

Чаллыда янгыннан унбер кешене коткарганнар

11 октябрь 2019, 21:42 , Фото: соцсети

Чаллыда янгыннан унбер кешене коткарганнар Гадәттән тыш хәлнең сәбәбе ачыклана.

(Казан, 11 октябрь, "Татар-информ"). Яр Чаллыда торак йортта чыккан янгыннан унбер кешене коткардылар. Бу хакта "Татар-информ"га Россия гадәттән тыш хәлләр министрлыгының ТР буенча Баш идарәсенең матбугат хезмәтендә хәбәр иттеләр.

"Бүген 17.37 сәгатьтә 112 номерына Тынычлык проспектында торак йорт януы турында хәбәр килде", – диделәр гадәттән тыш хәлләр министрлыгында.

Янгын урынына № 54, № 55 һәм 56 янгын сүндерү хезмәткәрләре килде. Фатир хуҗалары (ир-ат һәм хатын-кыз) үзләре урамга чыга алган. Аларны хастаханәгә китерәләр.

Югары катларда яшәүчеләргә ярдәм кирәк булган. Янгын сүндерүчеләр битлекләр ярдәмендә йорттан алты кешене (шул исәптән ике бала) чыгара.

Янгын мәйданы 11 кв.метр тәшкил иткән. Гадәттән тыш хәлнең сәбәбе ачыклана.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10