ҺАВА ТОРЫШЫ +8 oC

Яңалыклар

барлык хәбәрләр Татарстан Россия

Мәдәният

Камал театрында сәхнәсендә һөнәри булмаган актер чыгыш ясаячак

9 октябрь 2019, 12:37 , Фото: Султан Исхаков

Камал театрында сәхнәсендә һөнәри булмаган актер чыгыш ясаячак
 Казанда «Халык театры» бөтенроссия талантлар конкурсына кастинг уза.

(Казан, 9 октябрь, «Татар-информ», Марат Ишкилдин). Декабрь аенда Камал театры сәхнәсендә беренче тапкыр профессиональ булмаган актер чыгыш ясаячак. Аны «Халык театры-2019» бөтенроссия конкурсы кастингында эксперт жюри сайлап ала. Бу хакта бүген «Татар-информ» мәгълүмат агентлыгында узган матбугат конференциясендә Камал исемендәге театрның маркетинг һәм PR буенча директор урынбасары Илшат Латыйпов хәбәр итте.

«Конкурста катнашу өчен туксанлап гариза керде. Конкурс нәтиҗәләре буенча без Камал театры сәхнәсендә рольләрнең берсен уйнаячак бер катнашучыны сайлыйбыз», — диде маркетинг һәм PR буенча директор урынбасары Илшат Латыйпов.

Казанда кастинглар Актерлар йортында 8 октябрьдә башланды.

Конкурс нәтиҗәләре буенча җиңүче сайлап алыначак. Ул декабрь аенда тамашачылар һәм экспертлар алдында профессиональ труппа белән бергә зур сәхнәдә чыгыш ясаячак. Проект финалында эксперт-хөкемдарлардан иң күп тавыш җыйган катнашучы cпектакльдә роль башкарачак.

«Халык театры-2019» конкурсы бөтен Россия буенча сигез театрда уза. Аның барышында профессиональ булмаган бер актер сайланачак, ул сәхнәдә тәҗрибәле артистлар белән уйнаячак. Конкурста теләге булган һәркем катнаша ала. Моның өчен театрны ярату һәм иҗади мохитка кереп китү теләге кирәк.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10