ҺАВА ТОРЫШЫ +8 oC

Яңалыклар

барлык хәбәрләр Татарстан Россия
×

Хәвеф-хәтәр

Әлмәттә ир-атны кыйнап үтергән яшьләр алты ел ярымга ирекләреннән мәхрүм ителгән

9 октябрь 2019, 10:44

Исерек яшүсмерләр тәмәке бирмәгән өчен ир-атны балалар мәйданчыгында кыйнаган.

(Казан, 9 октябрь, «Татар-информ»). Әлмәттә ир-атны кыйнап үтергән яшүсмерләр алты ел ярымга ирекләреннән мәхрүм ителгән. Бу хакта Татарстан буенча Тикшерү идарәсе җитәкчесенең өлкән ярдәмчесе Андрей Шептицкий хәбәр итте.

«14 һәм 15 яшьлек ике яшүсмер «Аңлы рәвештә авыр зыян салып, кеше үлеменә китерү» маддәсе буенча гаепле дип табылган. Суд һәркайсына алты ел ярым төрмә билгеләде», - диде Шептицкий.

«Татар-информ» мәгълүмат агентлыгы элек 3 июльдән 4 июльгә каршы төндә ике исерек яшүсмер 48 яшьлек салмыш ир-аттан тәмәке сораган, дип хәбәр иткән иде. Гозерләре кире кагылган яшьләр ир-атны җиргә егып салып, кыйный башлаган. Алган җәрәхәтләрдән ир-ат шунда ук вафат булган.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10