ҺАВА ТОРЫШЫ +1 oC

Яңалыклар

барлык хәбәрләр Татарстан Россия

Җәмгыять

Әлмәттә яшәүчеләрне бала хокуклары буенча вәкаләтле вәкил кабул итәчәк

8 октябрь 2019, 23:00 , Фото: архив/Султан Исхаков

Әлмәттә яшәүчеләрне бала хокуклары буенча вәкаләтле вәкил кабул итәчәк Омбудсмен белән бергә сорауларга министрлыклар һәм ведомстволар вәкилләре, шул исәптән прокуратура һәм адвокатлар җавап бирәчәк.

(Әлмәт, 8 октябрь, "Татар-информ", "Әлмәт таңнары"). Әлмәт һәм Түбән Кама халкын республиканың балалар омбудсмены кабул итәчәк. 10 октябрьдә Бала хокуклары буенча вәкаләтле вәкил Гүзәл Удачина  Әлмәттә очрашу уздыра. Бу турыда район басмасы хәбәр итә.

Омбудсмен белән бергә сорауларга министрлыклар һәм ведомстволар вәкилләре, шул исәптән прокуратура һәм адвокатлар җавап бирәчәк.

Хокукый ярдәм көне кысаларында баланың тормышка, рәхимсез мөгамәләдән, көчләүдән һәм иминлеккә хокукларын саклау, баланың сәламәтлеген һәм сәламәт үсеш хокукын саклау, баланың гаиләдә яшәргә һәм тәрбияләнергә хокукларын үтәү, шул исәптән опека һәм попечительлек органнары эшчәнлеге мәсьәләләре буенча консультацияләр алырга мөмкин булачак.

Шулай ук Татарстанда яшәүчеләр мәгариф өлкәсендә баланың хокукларын һәм законлы мәнфәгатьләрен үтәү, социаль тәэминатка хокукны үтәү, баланың торак, башка милек хокукларын саклау буенча да сораулар бирә алалар.

Кабул итү 11.00 дән 15.00 гә кадәр "Нефтьче" мәдәният сараенда узачак.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10