ҺАВА ТОРЫШЫ +8 oC

Яңалыклар

барлык хәбәрләр Татарстан Россия

Җәмгыять

Татарстанда юеш карлы яңгыр көтелә

8 октябрь 2019, 21:18 , Фото: архив

Татарстанда юеш карлы яңгыр көтелә
 Республика территориясендә шактый салкын һава торышы саклана.

(Казан, 8 октябрь, «Татар-информ»). Иртәгә Татарстан территориясендә яңгырлар көтелә, төнлә һәм иртән урыны белән юеш кар явачак. Көнбатыштан килгән циклонның тагын бер фронталь бүлеге явым-төшемгә сәбәпче булып тора. Бу хакта Татарстан Гидрометеорология һәм әйләнә-тирә мохитне күзәтү идарәсе хәбәр итә.

Төнлә термометр баганалары республика буенча нуль градус тирәсенә кадәр төшәчәк. Көндез һава температурасы 4-9 градус җылы була. Шул ук вакытта көндез төбәкнең көньяк-көнбатышында калган җирләргә караганда җылырак булачак.

Татарстан синоптикларының якынча фаразларына караганда, пәнҗешәмбе, 10 октябрьдә, явым-төшем азрак булачак һәм урыны белән генә явачак. Җомга көнне, 11 октябрьдә, төньяк циклон үзе белән җил, кыска вакытлы яңгырлар һәм +7..+12 градуска кадәр җылы алып киләчәк.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10