ҺАВА ТОРЫШЫ +8 oC

Яңалыклар

барлык хәбәрләр Татарстан Россия

Хәвеф-хәтәр

Татарстанда яшәүче хатын-кызлар аферистларга 245 мең сум акча күчергән

8 октябрь 2019, 15:06

Түбән Камада яшәүче 70 яшьлек һәм Лаеш районында яшәүче 27 яшьлек хатын-кыз җинаятьчеләр корбаны булган.

(Казан, 8 октябрь, «Татар-информ»). Татарстанда яшәүче хатын-кызлар үзләрен банк хезмәткәрләре дип таныштырган аферистларга 245 мең сум акча җибәргән. Бу хакта Татарстан Эчке эшләр министрлыгының матбугат хезмәтендә хәбәр иттеләр.

«Караклар бер схема буенча эш итә – үзләрен банкның куркынычсызлык хезмәте хезмәткәрләре итеп таныштыра һәм счетларына куркыныч янау турында хәбәр итә», — дип сөйләделәр полициядә.

Нәтиҗәдә, Түбән Камада яшәүче 70 яшьлек хатын-кыз җинаятьчеләр сүзенә ышанып, алар хисабына 45 мең, ә Лаешта яшәүче 27 яшьлек хатын-кыз 200 мең сумнан артык акча күчергән.

Әлеге фактлар нигезендә «Урлау» һәм «Караклык» маддәләре буенча җинаять эшләре кузгатылган.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10