ҺАВА ТОРЫШЫ +3 oC

Яңалыклар

барлык хәбәрләр Татарстан Россия

Спорт

Арча егете хапкидо буенча Европа чемпионатында җиңгән

8 октябрь 2019, 08:05 , Фото: arskmedia.ru/

Арча егете хапкидо буенча Европа чемпионатында җиңгән Алмаз Татарстаннан берүзе катнашкан.

(Арча, 8 октябрь, "Татар-информ", "Арск-информ", Румия Надршина). Арча егете Алмаз Закиров шимбә төнлә Санкт--Петербургтан Арчага кайтты. Ул хапкидо һәм таэквондо ярышларында җиңгән. Бу турыда район басмасы хәбәр итә.

Тренеры Газинур Борханов, районның таэквондо буенча федерация рәисе, әтисе Илфат Закиров белән Санк--Петербургта сугышчан сәнгать фестивалендә катнашты. Алмаз спортның ике төре буенча чыгыш ясады. Ул хапкидо буенча Европа чемпионатында, таэквондо буенча Бөтенроссия турнирында катнашты.

Алмаз Татарстаннан берүзе катнашкан. Алмаз Закиров хапкидо ярышларында 85 кг авырлыктагылар арасында чемпион булды. Шунда ук таэквондо буенча да призлы урынны алган. 

Корея үз тарихында 900ләп хөҗүмгә дучар була. Һәм аның халкы нәтиҗәсендә дошманнарын җиңеп бара. Хапкидо рухы ул -- туган илеңне ярату, аңа бирелгәнлек һәм тугры калу. Хапкидо 1963 елда гына рәсми исем ала. Мәгънәсе: хап - фикерне туплау, ки - энергия, до - юл төшенчәсен аңлата.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10