ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Хәвеф-хәтәр

Татарстанда полиция хезмәткәре һәлак булу сәбәбен ачыклыйлар

7 октябрь 2019, 21:13

Ату коралыннан яраланган полицейскийны кабинетта табып алалар, шунда ук табибларны чакырталар, тик ул хастаханәгә барганда үлә.

(Казан, 7 октябрь, «Татар-информ»). Татарстан буенча Эчке эшләр министрлыгының ведомство биналарының берсендә полиция хезмәткәренең һәлак булу сәбәпләрен ачыклыйлар. Бу хакта «Татар-информ»га ведомствоның матбугат хезмәтендә хәбәр иттеләр.

«7 октябрьдә Татарстан Республикасы буенча Эчке эшләр министрлыгының бер бинасында полиция хезмәткәре табель коралыннан атып, үзен яралаган», – диделәр агентлыкка Татарстан буенча Эчке эшләр министрлыгының матбугат хезмәтендә.

Ашыгыч ярдәм табиблары ир-атка тиешле ярдәмне күрсәтсә дә, бөтен тырышлыкларына карамастан, ул хастаханәгә барганда вафат була.

Полицейский һәлак булу турында Татарстан Эчке эшләр министры урынбасары Алексей Завгородний җитәкчелегендә комиссия төзелгән. Хезмәт тикшерүе үткәрелә.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10