ҺАВА ТОРЫШЫ +1 oC

Яңалыклар

барлык хәбәрләр Татарстан Россия

Авыл

Тукай районында кукуруз 850 гектарда җыеп алынган

6 октябрь 2019, 01:43 , Фото: tukai-rt.ru

Тукай районында кукуруз 850 гектарда җыеп алынган Быел район басуларында кукуруз 3 мең гектардан артык мәйданда үстерелгән.

(Тукай районы, 6 октябрь, "Татар-информ", "Якты юл", Эльвира Абдуллина). Тукай районында бүген аграрийлар силос өчен кукуруз уру белән мәшгуль. Хәзерге вакытта кукуруз 850 гектарда җыеп алынган, базларга 16,1 мең тонна силос салынган. Кырларда 18 комбайн эшли. Бу турыда район басмасы хәбәр итә.

Быел район басуларында кукуруз 3 мең гектардан артык мәйданда игелгән, шуның 2,7 меңе силоска, 450 гектары орлыкка дип үстерелде.

"Гигант" хуҗалыгында кукуруз 400 гектар мәйданда игелә. Бүгенгә шуның 135ендә эш тәмамланган. Гектарыннан уртача 300 центнер уңыш алынган.

Комбайн урган массаны "КАМАЗ"лар комплекска, силос базына ташый. Биредә аны ике "К-700" тракторы яхшылап, һава үтмәслек итеп тыгызлый. Һава шартлары мөмкинлек бирсә, кукуруз уруны ун көн эчендә төгәлләячәкләр.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10