ҺАВА ТОРЫШЫ +1 oC

Яңалыклар

барлык хәбәрләр Татарстан Россия

Фән һәм мәгариф

Тәтешнең ике авылында цифрлы һәм гуманитар белем бирү үзәге ачылды

6 октябрь 2019, 08:06 , Фото: tetyushy.ru

Тәтешнең ике авылында цифрлы һәм гуманитар белем бирү үзәге ачылды

(Тәтеш, 6 октябрь, "Татар-информ", "Тәтеш таңнары", Марсель Шәрәфиев). Тәтеш районының ике авылындагы гомуми белем бирү мәктәпләрендә: Олы Тарханда һәм Алабирдедә “Үсеш ноктасы”  цифрлы һәм гуманитар белем бирү үзәге ачылды. Бу турыда район басмасы хәбәр итә.

“Мәктәпкә “Мәгариф” илкүләм проектының “Заманча мәктәп” федераль проектын тормышка ашыру кысаларында заманча җайланмалар кайтарылуына без сөенәбез, – дип уртаклаша Алабирде урта мәктәбе директоры Ваһап Гарифуллин.

“Технология”, “Информатика”, “Тормыш иминлеге нигезләре” фәннәре буенча балаларны укыту өчен өч укытучы - Илһам Мәүлетов, Тәслим Фәтхуллин, Рөстәм Гарифуллин үз юнәлешләре буенча квалификацияләрен күтәргән.

Балалар бүгенге көндә табиб килгәнче беренче ярдәм күрсәтүне үзләштерү өчен манекеннарны бик теләп файдалана, робот техникасының өч төрен өйрәнү белән шөгыльләнә. Мәктәп шулай ук 3 квадрокоптер алган, боларны бинада да кулланырга мөмкин, шуңа күрә алар әлегә мәктәп спортзалында оча.

Шахмат зонасы – ял итү урыннарын балалар гына түгел, олылар да яратып өлгергән. Биредә акыл уеннары аерым танылу белән файдаланыла. Планлы күләмдәге эш күренеп торган нәтиҗәләр китерә.  Айгөл һәм Шамил Гарифуллиннар республиканың күп тапкырлар чемпионы булды, бөтенроссия ярышларында катнашучы Ралинә Заһидуллина укыган чакта ук шашка буенча спорт мастеры кандидаты исемен яулады. 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10