ҺАВА ТОРЫШЫ +5 oC

Яңалыклар

барлык хәбәрләр Татарстан Россия

Хәвеф-хәтәр

Әлмәт районында комбайнда аягы кысылган ир-атны коткарганнар

26 сентябрь 2019, 14:04 , Фото: ГУ МЧС России по РТ

Әлмәт районында комбайнда аягы кысылган ир-атны коткарганнар
 Коткаручылар гидравлик инструмент белән зыян күрүчегә ярдәм күрсәткәннәр һәм носилкада ир-атны ашыгыч ярдәм машинасына озатканнар.

(Казан, 26 сентябрь, «Татар-информ»).Әлмәт янында 37 яшьлек эшчене коткарганнар, аның аягы комбайнга кысылган булган. Бу хакта «Татар-информ» мәгълүмат агентлыгына Татарстан буенча Россия Гадәттән тыш хәлләр министрлыгы Баш идарәсенең матбугат хезмәтендә хәбәр иттеләр.

«Алдагы көнне 10.10 сәгатьтә 112 ашыгыч хезмәтләрне чакыруның бердәм номерына Кәләйдәге машина-трактор станциясе гаражында 37 яшьлек ир-атның аягы комбайнга эләгүе турында хәбәр килде», – диделәр Гадәттән тыш хәлләр министрлыгында.

Әлмәт эзләү коткару отряды хезмәткәрләре гидравлик инструмент ярдәмендә зыян күрүченең кысылган аягын ала, шуннан соң ир-атны носилкага салып, ашыгыч ярдәм машинасына илткәннәр.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10