ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Рәсми Татарстан

Минтимер Шәймиев Рөстәм Миңнеханов Юлламасы турында: Бик җитди, колак салырлык

25 сентябрь 2019, 11:42 , Фото: Владимир Васильев

Минтимер Шәймиев Рөстәм Миңнеханов Юлламасы турында: Бик җитди, колак салырлык
"Бик эчтәлекле яхшы Юллама. Башка сеңдереп, кулга тотып эшләргә кирәк", - диде Дәүләт Киңәшчесе.

(Казан, 25 сентябрь, "Татар-информ", Гөлнар Гарифуллина). Татарстан Дәүләт Киңәшчесе Минтимер Шәймиев "Татар-информ" хәбәрчесенә республика Президенты Рөстәм Миңнехановның VI чакырылыш ТР Дәүләт Советына Юлламасына карата фикерләре белән уртаклашты. "Минемчә, бик җитди, колак салырлык, һәрберебезгә дә нәтиҗәләр ясарлык", - диде Шәймиев.

"Эш дәверендә минем үземә дә ничә еллар еллык Юллама белән чыгыш ясарга туры килде. Әйтәсем килә: елдан-ел Юлламаның эчтәлеге байый, Президентның Юллама белән чыгыш ясавы бик җаваплы гамәл. Ел барышында нинди уңышларга ирешелгән, нинди кимчелекләр күренүе искәртелә", - диде Минтимер Шәймиев.

Ул шушы елларда республика сәясәтендә, икътисадында зур үзгәрешләр булганын билгеләп узды. "Бу юнәлештә көндәлек күп эшләнә. Рөстәм Нургалиевичның тәҗрибәсе дә шактый. Бик эчтәлекле яхшы Юллама. Башка сеңдереп, кулга тотып эшләргә кирәк", - диде Дәүләт Киңәшчесе. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10