ҺАВА ТОРЫШЫ +4 oC

Яңалыклар

барлык хәбәрләр Татарстан Россия

Җәмгыять

Сергей Шойгу армиягә чакырылышны гамәлдән чыгару дөрес дип санамый

22 сентябрь 2019, 12:02 , Фото: tatarstan.ru

Сергей Шойгу армиягә чакырылышны гамәлдән чыгару дөрес дип санамый "Сугыш башланган очракта, мобилизация резервы армияне тиз арада көчәйтергә мөмкинлек бирәчәк", - ди Шойгу.

(Казан, 22 сентябрь, “Татар-информ”). Россия Оборона министры Сергей Шойгу армиягә чакыруны гамәлдән чыгару дөрес дип санамый. Аның сүзләренчә, сугыш башланган очракта, мобилизация резервы армияне тиз арада көчәйтергә мөмкинлек бирәчәк. Бу хакта РИА Новости хәбәр итә.

"Нигездә, бу мөмкин хәл. Әмма мондый карарны дөрес дип санамыйм. Хәрби хезмәткә чакырылу буенча җыелган хәрби хезмәткәрләр күпмедер санда теләсә кайсы очракта да булырга тиешлегенә һич шигем юк", - дигән ул "Московский комсомолец" газетасына биргән интервьюда.

Шойгу чакырылыш хезмәте - гражданнарны хәрби әзерләүнең нәтиҗәле формаларының берсе, аның бернинди дә куркынычы юк, диде. Мисал итеп, министр Израильне китерде. Анда яшьләр генә түгел, кызлар да хезмәт итә.

"Россия армиясе алга таба профессиональрәк булачак, бусы икенче мәсьәлә", - дип өстәде Шойгу һәм хәзер үк гади сержантлар арасында контрактчылар саны армиягә чакырылучылар саныннан артып китүен әйтте.

Хәзер Россия армиясендә вакытлы хезмәт итү срогы бер ел тәшкил итә. Анда 18-27 яшьлек кешеләр чакырылырга тиеш. Апрель аенда президент Владимир Путин хәрби хезмәткә чакыру "акрынлап тарихка күчә", дип белдергән иде. Дәүләт башлыгы сүзләренчә, хәрби техника катлаулана. Шуңа да профессиональ армия таләп ителә.

Ул чакта Путин кайбер илләр чакырылыштан тулысынча баш тартмый, чөнки хәрби хезмәткәрләр алдында тирән квалификация таләп итми торган бурычлар кала, дип өстәде.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10