ҺАВА ТОРЫШЫ +3 oC

Яңалыклар

барлык хәбәрләр Татарстан Россия

Спорт

Кукмарада җиңел атлетика ярышларында 300ләп кеше катнашты

21 сентябрь 2019, 18:48 , Фото: kukmor-rt.ru/

Кукмарада җиңел атлетика ярышларында 300ләп кеше катнашты VIP-узышта район башлыгы Сергей Димитриев та катнашты.

(Кукмара, 21 сентябрь, "Татар-информ",  "Хезмәт даны"). Кукмараның Ринат Мөхәммәтшин исемендәге үзәк стадионда Бөтенроссия йөгерү көне кысаларында "Татарстан кроссы-2019" җиңел атлетика ярышы үткәрелде. Анда 300гә якын спортчы һәм сәламәт яшәү рәвешен яратучы кукмаралылар җыелган иде. Бу турыда район басмасы хәбәр итә.

Алар 11 яшь төркемендә ярышты. Моннан тыш, 1000 метрга VIP-узыш та үткәрелде. Анда район башлыгы Сергей Димитриев катнашты.

- Барыгызны да әлеге спорт бәйрәме белән котлыйм. Физкультура һәм спорт – сәламәт яшәү рәвеше, яхшы кәеф һәм күңел күтәренкелегенең нигезе. Бүген ярышлар имгәнүләрдән башка узсын, уңышлар сезгә, - диде Сергей Димитриев кросста катнашучыларга.

Ярышларны Поч. Кучук авылыннан СССРның спорт мастеры, 73 яшьлек Николай Гаврилов та югары бәяләде. "Матур чара. Нәниләр дә, өлкәннәр дә катнаша. Яшь буынның спортка тартылуы сөендерә", - диде ул.

Кросста 1, 2, 3 урыннарны алучылар медаль һәм грамоталар белән бүләкләнде.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10