ҺАВА ТОРЫШЫ +3 oC

Яңалыклар

барлык хәбәрләр Татарстан Россия

Авыл

Марат Җәббаров: Бүгенге көнгә республикада 4,2 млн тонна яңа ашлык җыелды

21 сентябрь 2019, 12:49 , Фото: архив

Марат Җәббаров: Бүгенге көнгә республикада 4,2 млн тонна яңа ашлык җыелды
 Татарстанда бөртеклеләрнең уртача уңышы бер гектардан 30 центнер тәшкил итә, бу узган ел күрсәткеченнән 4,1 центнерга артык.

(Казан, 21 сентябрь, «Татар-информ»). Республикада урып-җыю эшләре башланганнан бирле 4,2 млн тонна ашлык суктырылган. Бу хакта бүген Татарстан Хөкүмәте Йортында узган республика киңәшмәсендә Татарстан Премьер-министры урынбасары – авыл хуҗалыгы һәм азык-төлек министры вазифаларын башкаручы Марат Җәббаров хәбәр итте.

Киңәшмәне барлык муниципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә Татарстан Республикасы Премьер-министры Алексей Песошин катнашты.

Киңәшмәдә Марат Җәббаров республикада урып-җыю кампаниясенең барышы турында сөйләде. «Бүгенге көндә 4,2 млн тонна ашлык суктырдык. Уңыш гектарыннан 30 центнер дәрәҗәсендә бара», – диде министр вазифаларын башкаручы.

Татарстан Республикасы Авыл хуҗалыгы һәм азык-төлек министрлыгы мәгълүматларына караганда, бөртекле һәм кузаклы культуралар 1 млн 418 мең гектар мәйданда, ягъни барлык мәйданнарның 99,8 процентында суктырылган. 4 млн 245 мең тонна ашлык суктырылды, уртача уңыш бер гектардан 30 центнер чыга.

Узган елның шушы чорына караганда, 4,1 центнерга артык. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10