ҺАВА ТОРЫШЫ -9 oC

Яңалыклар

барлык хәбәрләр Татарстан Россия
×

Җәмгыять

Казанда туган кыз «Татар кызы» конкурсы финалында Мәскәү данын яклаячак

21 сентябрь 2019, 10:34 , Фото: архив/Салават Камалетдинов

Казанда туган кыз «Татар кызы» конкурсы финалында Мәскәү данын яклаячак Чара Ижевскида 27 сентябрьдә узачак.

(Казан, 21 сентябрь, «Татар-информ»). Казан туган Айсылу Мирхафизхан Мәскәүне “Татар-кызы 2019” конкурсы финалында Мәскәү данын яклаячак. Бу турыда Татарстанның Россиядәге Тулы вәкаләтле вәкиллеге матбугат хезмәте хәбәр итә.

27 яшьлек Айсылу Мирхафизхан Казанда туып үскән. Ул Казан федераль университетын һәм Казан хореография училищесын тәмамлаган. Хәзер Мәскәүдә яши һәм Щукин исемендәге театр институтында актерның сәхнә хәрәкәте һәм пластик сәнгатьлелек кафедрасы магистранты булып тора. Кыз фән, бию һәм балет белән мавыга.

Исегезгә төшерәбез, «Татар кызы» конкурсы өч этапны үз эченә ала. «Төбәк туры нәтиҗәләре буенча Россиянең 6 иленнән һәм 20 төбәгеннән 27 катнашучы Казанда берничә сынау узды. Аларны интеллектуаль яктан, аш-суга осталык һәм татар телен, мәдәниятен, тарихын һәм традицияләре буенча сынадылар», - диелгән вәкиллек хәбәрендә.

Финал этабына 14 кыз чыкты, аларның икесе Татарстан кызы - Чаллыдан Азилә Әюпова һәм «Казан гүзәле» номинациясендә төбәк этабында җиңгән Алия Әхмәтова.

27 сентябрьдә Ижевскида узачак «Татар кызы»ның йомгаклау этабында Россиянең төрле төбәкләреннән һәм чит илләрдән делегацияләр катнашачак. Концерт программасында Татарстанның атказанган артисткасы Алинә Шәрипҗанова, опера җырчысы, Татарстанның атказанган артисткасы Илүсә Хуҗина, альтернатив татар музыкасы вәкиле Илгиз Шәйхразиев һәм татар эстрадасының башка танылган вәкилләре катнашачак.

Җиңүчегә Златоуст осталары тарафыннан ясалган таҗ, шулай ук Lada Granta автомобиле бүләк ителәчәк.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10