ҺАВА ТОРЫШЫ +3 oC

Яңалыклар

барлык хәбәрләр Татарстан Россия

Җәмгыять

Чирмешәндә халык җыенында мең сум күләмендә үзсалым җыярга килештеләр

20 сентябрь 2019, 06:17 , Фото: nashcheremshan.ru/

Чирмешәндә халык җыенында мең сум күләмендә үзсалым җыярга килештеләр Җыенда 2020 нче елда җыелачак үзсалым акчаларына башкарыласы эшләр билгеләнде.

(Чирмешән, 20 сентябрь, "Татар-информ", "Безнең Чирмешән", Евгений Ромин). Чирмешән авыл җирлеге гражданнарының бу атнада узган халык җыенында 2020 елда җыелачак үзсалым күләмен җирлек территориясендә яшәүче балигъ булган һәр кешедән 1000 сум күләмендә җыю килешенде. Бу турыда район басмасы хәбәр итә.

Шунысын әйтергә кирәк, 80 яше тулган ялгыз өлкәннәр, I нче төркем инвалидлар, көндезге уку бүлекләрендә белем алучы студентлар һәм Россия Кораллы көчләрендә хезмәт итүчеләр әлеге төр салымнан азат ителә.

Быелның 1 апреленә Чирмешән авыл җирлегендә 2 миллион 171 мең сум күләмендә үзара салым җыелган иде. Аның һәр сумына республика 4 тапкыр күбрәк сумма өстәгәннән соң, гомуми сумма 8 миллион 684 сум тәшкил иткән.

Чирмешән авыл җирлеге башкарма комитеты җитәкчесе Светлана Ганиева үзсалым акчаларына быел нинди эшләр башкарылганлыгы хакында мәгълүмат бирде. 

Әле күптән түгел генә үзсалым акчаларына 1 миллион ярым сумлык көпчәкле трактор сатып алынды, ул кышын урам юлларын кардан арындыру, җәен чүп үләннәрен чабу өчен кирәк. Әлеге тракторга арба һәм чапкыч та алачаклар.

Җыенда 2020 нче елда җыелачак үзсалым акчаларына башкарыласы эшләр билгеләнде. Әлеге уңайдан референдум 2019 елның 17 ноябрендә узачак. Шуннан соң үзсалым җыю башланачак. Әлеге сумманы бер вакытта түли алмаучылар аны өлешләп тә кертә алалар.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10