ҺАВА ТОРЫШЫ +3 oC

Яңалыклар

барлык хәбәрләр Татарстан Россия

Дин

Томскида Мөхәммәд пәйгамбәрнең чәч бөртеген күрсәтәчәкләр

19 сентябрь 2019, 12:09

Себергә ислам тарихында бер генә тапкыр да Мөхәммәд пәйгамбәрнең ядкарьләрен алып килмәгәннәр.

(Казан, 19 сентябрь, «Татар-информ»). Томскига Мөхәммәд пәйгамбәрнең чәч бөртеген алып киләчәкләр. Бу турыда Бөтендөнья татар конгрессы матбугат хезмәте хәбәр итә.

Калган ядкарьләр Дагыстаннан китереләчәк. Алар - пәйгамбәрнең касәсе, пәйгамбәр кызының чүлмәге, изге Кәгъбә ачкычы. Тагын бер ядкарь булачак, әмма әлегә нинди икәне билгесез. Себергә ислам тарихында бер генә тапкыр да Мөхәммәд пәйгамбәрнең ядкарьләрен алып килмәгәннәр. Бу беренче тапкыр», - диде Нурулла Турсунбаев.

Аның сүзләренчә, ядкарьләрне 21 сентябрьдә, шимбә көнне, Ак Җәмигъ мәчете ишегалдында урнаштырачаклар. 11.00 сәгатьтә теләге булган һәркем изге ядкарьләрне карый алачак.

Шулай ук бу көнне мөселманнар халыкара түгәрәк өстәлгә җыелачак. Ак Җәмигъ мәчетенең 105 еллыгын бәйрәм итү уңаеннан кич белән өлкәнең мөселман җырлары концерты узачак.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10