ҺАВА ТОРЫШЫ +8 oC

Яңалыклар

барлык хәбәрләр Татарстан Россия

Фән һәм мәгариф

Казан укытучылары Саратов өлкәсендә Бөтенроссия туристлык слетында призер булды

18 сентябрь 2019, 20:28

Слетта «Простор» балалар һәм яшүсмерләр туризмы һәм экскурсияләр йортының 12 укытучысы катнашты.

(Казан, 18 сентябрь, «Татар-информ»). Казан укытучылары Бөтенроссия туристлык слетында ппризлы урыннар яулады. Чарада Россиянең 29 төбәгеннән 350 укытучы катнашты. Бу турыда Татарстан Мәгариф һәм фән министрлыгы хәбәр итә.

«Татарстан данын Казанның Яңа Савин районында урнашкан «Простор» балалар һәм яшүсмерләр туризмы һәм экскурсияләр йортында эшләүче 12 педагог тәкъдим итте», диелгән хәбәрдә.

Ярыш нәтиҗәләре буенча Казан укытучылары «Дистанция – җәяүле юлы – шәхси» дип аталган турда икенче, шулай ук команда зачетында шул ук юнәлештә икенче урынны алды.

Алар команда зачетында «Сайлап алып ориентлашу» төре буенча өченче урынны яуладылар һәм «Төнге ориентлашу» өчен бронза медаль алдылар. Казан укытучыларына шулай ук «Туристлык күнекмәләре» юнәлеше буенча көнкүрешне иң яхшы оештырган өчен грамота тапшырдылар.

  • Педагогларның XXVI Бөтенроссия туристлык слеты Саратов өлкәсендә «Хвалынь» тау чаңгысы курорты территориясендә узды.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10