ҺАВА ТОРЫШЫ +3 oC

Яңалыклар

барлык хәбәрләр Татарстан Россия

Җәмгыять

Россиядә басма китапларның тиражы ярты елда 10 процентка кимегән

18 сентябрь 2019, 20:51 , Фото: Ильнар Тухбатов/архив

Россиядә басма китапларның тиражы ярты елда 10 процентка кимегән Тираж азаю кешеләрнең укуы кимүен аңлатмый, алар бары электрон рәвештә күбрәк укый башлады, ди Роспатент башлыгы.

(Казан, 18 сентябрь, «Татар-информ»). 2019 елның беренче яртыеллыгында Россиядә басма китапларның тиражы 10 процентка кимегән. Бу турыда Роспатент башлыгы Михаил Сеславинскийга сылтама белән «Интерфакс» хәбәр итте.

Тираж азаю кешеләрнең укымавын аңлатмый, алар бары электрон рәвештә күбрәк укый башлады, ди түрә.

Гыйнвар-июнь айларында Россиядә 194,2 млн данә тираж белән 54 808 китап һәм брошюра чыгарганнар, диде Роспатия башлыгы. Җитештерүне киметү вакытлы күренеш, икенче ярты еллыкта төзәтмәләр кертеләчәк, диде ул. Аның фаразы буенча, бер елда күрсәткечләр соңгы еллар дәрәҗәсендә - 450 млн данә тираж белән 120 мең китап калачак.

Михаил Сеславинский шулай ук «Литрес» электрон китап кибете буенча мәгълүмат та тәкъдим итте. Анда 2018 елның гыйнвар-июнь айларында китапларны күчереп алу 50,3 процентка яки 6,8 миллионга кадәр арткан. «Роспечать» фаразлары буенча, 2019 елда электрон китаплар базары 6,3-6,5 млрд сумга (2018 елда 4,8 млрд сум) кадәр артачак.

Түрә сүзләренчә, күп нәшриятлар электрон китаплар чыгара һәм аларны рекламалый башлаган. Бер үк вакытта кәгазь басмаларның электрон басмалар белән көндәшлеге дә дәвам итә.

«Кәгазьдән укырга яратучыларның күбесе экранда укып карагач, басма китапларга әйләнеп кайтты. Шуңа күрә традицион басма китапларның киләчәге алай ук күңелсез түгел» дип саный Михаил Сеславинский.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10