ҺАВА ТОРЫШЫ +1 oC

Яңалыклар

барлык хәбәрләр Татарстан Россия

Сәясәт

25 сентябрьдә Президент Дәүләт Советына еллык юллама белән мөрәҗәгать итәчәк

18 сентябрь 2019, 16:01 , Фото: Александр Эшкинин

25 сентябрьдә Президент Дәүләт Советына еллык юллама белән мөрәҗәгать итәчәк Юлламаны алтынчы чакырылыш республика парламентының икенче утырышында игълан итү планлаштырыла.

(Казан, 18 сентябрь, «Татар-информ», Надежда Гордеева). 25 сентябрьдә VI Татарстан Дәүләт Советының икенче утырышында республика Президенты Рөстәм Миңнеханов Парламентка еллык юллама белән мөрәҗәгать итәчәк. Бу хакта бүген бишенче чакырылыш Татарстан Дәүләт Советы Рәисе Фәрит Мөхәммәтшин оештыру җыелышында хәбәр итте.

«Бездә беренче оештыру утырышы узачак, аннары 25 сентябрьдә - икенче утырыш, анда Татарстан Президентының Республика Дәүләт Советына еллык юлламасы тәкъдим ителәчәк», - диде парламент башлыгы.

Фәрит Мөхәммәтшин яңа чакырылыш депутатларын «утырышта актив катнашырга һәм юлламаны игътибар белән тыңларга» өндәде. «Юллама белдерелгәннән соң, парламент һәм хөкүмәт президент тарафыннан әйтелгән позицияләрне яклау буенча карар әзерләячәк», - диде ул.

  • Рөстәм Миңнеханов 2010 елның 13 октябрендә Татарстан Дәүләт Советына беренче юллама белән чыгыш ясады.
  • Алтынчы чакырылыш Татарстан Дәүләт Советының беренче утырышы 20 сентябрьдә узачак. Анда Татарстан Дәүләт Советы Рәисен һәм аның урынбасарларын, шулай ук комитет җитәкчеләрен сайлаячаклар.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10