ҺАВА ТОРЫШЫ +4 oC

Яңалыклар

барлык хәбәрләр Татарстан Россия

Җәмгыять

Татарстанда атна дәвамында барлык социаль объектларга да җылылык биреләчәк

18 сентябрь 2019, 14:19 , Фото: архив/Султан Исхаков

Татарстанда атна дәвамында барлык социаль объектларга да җылылык биреләчәк Республиканың кайбер авыл районнарында узган ял көннәрендә җылылык бирелде.

(Казан, 18 сентябрь, «Татар-информ», Наталья Рыбакова). Республиканың торак йортларын җылылык белән тәэмин итүгә иртәгәдән үк керешәчәкләр. Бу хакта бүген матбугат конференциясендә Татарстан Төзелеш, архитектура һәм торак-коммуналь хуҗалык министры урынбасары Илдус Насыйров хәбәр итте.

Татарстанда җылыту сезоны башланды. Йөздән артык балалар бакчасы, мәктәп һәм Казанның мәгариф объектлары җылылыкка тоташтырылган.

«Узган шимбәдә 30 балалар бакчасына җылылык җибәрелгән иде. Атна дәвамында балалар һәм авырулар булган барлык социаль объектларга да җылы биреләчәк. Бөтен республика буенча җылылык иртәгә үк бирелә башлаячак», - диде спикер.

Җылылык бирелгән авыл районнары да бар. Алар арасында Тәтеш һәм Актаныш районнары бар. Лениногорск районында дүшәмбе көнне җылы бирәчәкләр. Муниципаль районнар җылылык бирү мәсьәләсен үзләре хәл итә.

«Безнең фатирлар, хастаханәләр һәм балалар бакчалары торышы буенча инде җылылык бирергә кирәклеге күренә. Җомгадан тәүлеклек уртача температура безгә җылылык җибәрү турында карар кабул итәргә мөмкинлек бирә», - диде спикер
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10