ҺАВА ТОРЫШЫ +5 oC

Яңалыклар

барлык хәбәрләр Татарстан Россия

Җәмгыять

Әлмәт мәшгульлек үзәге пенсия яшендәгеләр өчен эш урыннары ярминкәсе уздыра

18 сентябрь 2019, 08:17

Эш эзләүчеләр мәшгульлек үзәге күрсәтә торган хезмәтләр белән дә таныша алачак.

(Әлмәт, 18 сентябрь, "Татар-информ", "Әлмәт таңнары"). 20 сентябрьдә Әлмәт мәшгульлек үзәге пенсия алды һәм пенсия яшендәгеләр, теләге булган һәркем өчен эш урыннары ярминкәсен уздыра. Бу турыда җирле басма хәбәр итә.

Бирегә килүчеләргә менеджер, сату буенча белгеч, машина йөртүче, автомобиль юучы, кондуктор, тәрбияче, инженер һәм башка вакансияләр тәкъдим ителәчәк.

Теләге булган һәркемнең бу көнне шәһәрнең оешма һәм предприятиеләрендәге буш эш урыннары һәм вакантлы вазифалар турында мәгълүмат алу һәм ярминкәдә катнашучы предприятиеләрнең кадрлар хезмәте вәкилләре белән очрашу мөмкинлеге булачак.

Шулай ук эш эзләүчеләр мәшгульлек үзәге күрсәтә торган хезмәтләр белән дә таныша алачак.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10