ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Хәвеф-хәтәр

Татарстанда юл һәлакәтендә ике олы кеше һәм бер бала имгәнгән

17 сентябрь 2019, 11:52 , Фото: Валентин Кулагин

Татарстанда юл һәлакәтендә ике олы кеше һәм бер бала имгәнгән Авария кичә кич Чаллы-Сарман юлында булган.

(Казань, 17 сентябрь, «Татар-информ»). Татарстанда «Лада» һәм «Рено» автомобильләре бәрелешү аркасында ике олы кеше һәм бер ала зыян күргән. Бу турыда юл-транспорт һәлакәте урыныннан «Татар-информ» агентлыгының үз хәбәрчесе хәбәр итте.

«Һәлакәт кичә кич республиканың Тукай районында булды. Беренчел мәгълүматлар буенча, «Рено» автомобиле йөртүчесе куркынычсыз тизлек сайламаган, каршы як полосага чыккан. Аннары ул 12 нче модельле «Лада» автомобиле белән бәрелешкән», – диде агентлык хәбәрчесе.

Машиналар каты бәрелешү сәбәпле, икесе дә юл кырыена төшеп киткән.

Шаһитлар сүзләренчә, «Рено» автомобиле алда барган машинаны узып китү өчен каршы як полосага чыккан, машинаны идарәсен югалткан һәм «Лада»га килеп бәрелгән.

Һәлакәттә ике йөртүче һәм «Лада» автомобилендә утырган бала төрле җәрәхәтләр алган.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10