ҺАВА ТОРЫШЫ +1 oC

Яңалыклар

барлык хәбәрләр Татарстан Россия

Хәвеф-хәтәр

Түбән Камада сәнәгать зонасында бер заводта янгын чыккан

16 сентябрь 2019, 09:31

Янгын сүндерүчеләрнең оператив гамәлләре аркасында янгын тиз сүндерелгән.

(Казан, 16 сентябрь, «Татар-информ»). Түбән Камада сәнәгать зонасындагы заводларның берсендә янгын чыккан. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

«Бүген иртән ведомствога завод территориясендә янгын чыгуы турында хәбәр килде. Янгын чыккан урынга Түбән Кама янгын сүндерү-коткару гарнизоны хезмәткәрләре юнәлде», — диелгән министрлык хәбәрендә.

Янгын сүндерүчеләр ярты сәгатьтә янгынны чикләгән һәм сүндергән. Зыян күрүчеләр юк, шулай ук шәһәрдә яшәүчеләргә һәм әйләнә-тирә мохиткә куркыныч янамый.

Янгын урынында 17 берәмлек техника һәм 41 хезмәткәр эшләгән. Хәзер белгечләр янгын чыгу сәбәпләрен ачыклый.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10