ҺАВА ТОРЫШЫ +2 oC

Яңалыклар

барлык хәбәрләр Татарстан Россия

Авыл

Тәтештә шикәр чөгендере гектарыннан 510 центнер чыга

16 сентябрь 2019, 00:39 , Фото: tetyushy.ru

Тәтештә шикәр чөгендере гектарыннан 510 центнер чыга “Колос”, “Бакырчы”, “Авангард” авыл хуҗалыгы предприятиеләре зур егәрлекле тракторлар сатып алган.
(Казан, 16 сентябрь, "Татар-информ", "Тәтеш таңнары", Мария Храмова). Тәтештә шикәр чөгендерен җыю башланды – гектардан 510 центнер уңдырышлылык белән 57630 тонна татлы тамыразык алынган. Бу хакта район басмасы яза. 
 
Районның авыл хуҗалыгы һәм азык-төлек идарәсе мәгълүматлары буенча, 43446,6 гектар суктырылган. Гектардан 37,1 центнер уртача уңдырышлылык белән 161244 тонна суктырып алынган. Бөртеккә 676 гектар кукуруз җыеп аласы калган. Чәчелгән горчица һәм рапсның яртыдан күбрәге җыеп алынган. 
 
2020 ел уңышы өчен минераль ашламалар кертү белән 17232 гектар көзге бодай чәчелгән. “Колос”, “Нур”, “Ф. М. Җәләлиев” КФХ хуҗалыклары үзенчәлекле көзге бодай сатып алган һәм чәчкәннәр.
 
Туфракны төп эшкәртү 23966 гектар мәйданда башкарылган (планның 43 проценты), шул исәптән тирән сөрү – 12746 гектар, җиңелчә эшкәртү – 11220 гектар. Район кырларында 49 сөрү агрегаты эшли.
 
Район хуҗалыкларының машина-трактор паркы агымдагы елда тагын 13 тракторга һәм өч чәчү комплексына тулыланган. “Колос”, “Бакырчы”, “Авангард” авыл хуҗалыгы предприятиеләре зур куәткә ия тракторлар сатып алган. 
 
Төп һәм төрле очракларны күз уңында тоту хәстәрен алдан күрү фондларына көзге һәм сабан ашлыклары культурасы чәчүлекләрен салу буенча эшләр бара, киләсе елның сабан чәчүенә 8067 тонна орлыклык салынган, яки бу планның 80 проценты, әлеге эш дәвам итә.
 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10