ҺАВА ТОРЫШЫ +2 oC

Яңалыклар

барлык хәбәрләр Татарстан Россия

Җәмгыять

Лениногорск районындагы авылда котыру чире буенча карантин кертелде

15 сентябрь 2019, 16:29

Хайваннарның котыру чире белән авыруының соңгы очрагы теркәлгәннән соң, ике ай узгач чикләү режимы туктатыла.

(Казан, 15 сентябрь, “Татар-информ”). 13 сентябрьдән республиканың Лениногорск районында урнашкан Мордва Ивановкасы авылында  котыру чире буенча карантин кертелде. Татарстан Президентының бу хактагы указы хокукый мәгълүмат порталында басылып чыккан.

“Татарстан Республикасы Лениногорск районы Мордва Ивановкасы авылында терлекләрнең котыру чире белән авыруы сәбәпле карантин кертергә”, – диелә документта.

Чикләү режимы гамәлдә булган вакытта йорт хайваннары сату һәм аларны әлеге территориядән алып чыгу, кыргый хайваннарны тотып, читкә алып чыгу, авыру малны ит өчен чалу һәм сөтен куллану тыела. Шулай ук сәламәт малның сөтен пастеризацияләмичә ризыкка куллану һәм сату, тиреләрен һәм йоннарын дезинфекцияләмичә сату да тыела.

 Документ текстында әйтелгәнчә, хайваннарның котыру чире белән авыруның соңгы очрагы теркәлгәннән соң, ике ай узгач һәм тиешле чараларны уздырганнан соң чикләү режимы бетерелә. Чаралар өчен Татарстан Министрлар Кабинетының Ветеринария буенча баш идарәсе җаваплы.

  • Алдарак Алабуга ветеринарлары малларга котыру чиренә каршы вакцинация уздырачак дип хәбәр ителгән иде.

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10