ҺАВА ТОРЫШЫ +1 oC

Яңалыклар

барлык хәбәрләр Татарстан Россия

Татар дөньясы

“Хәрәкәт-2019” бәйгесе җиңүчеләре Мәскәүдә Татар яшьләре көнендә игълан ителә

15 сентябрь 2019, 14:46 , Фото: tatmsk.tatarstan.ru

“Хәрәкәт-2019” бәйгесе җиңүчеләре Мәскәүдә Татар яшьләре көнендә игълан ителә Җиде номинациядә иң яхшы проектлар бүләкләнәчәк.

(Казан, 15 сентябрь, “Татар-информ”). 21 сентябрьдә Мәскәүдә “Цифрлы эшлекле киңлек” мәйданчыгында Татар яшьләре көне һәм V “Хәрәкәт” яшьләр проектлары конкурсы йомгаклары буенча премияләр тапшыру тантанасы узачак. Бу хакта Татарстан Республикасының Россия Федерациясендәге вәкаләтле вәкиллеге хәбәр итә.

Ел саен әлеге конкурста Мәскәү төбәгендә уздырыла торган утыздан артык уникаль проект катнаша. 2019 елгы юбилей елында конкурста Россиядән читтә уздырыла торган проектлар да катнаша. Алар өчен махсус номинация булдырылган.

Иң яхшы проектларны авторлары җиде номинациядә бүләкләнәчәк. Болар: татар телен һәм мәдәниятен саклау һәм үстерү буенча иң яхшы проект, спорт һәм сәламәт яшәү рәвеше өлкәсендә иң яхшы проект, яшьләрнең рухи һәм әхлакый тәрбиясе буенча иң яхшы проект, иң яхшы IT һәм милли элементлы бизнес проекты, югары уку йортларының иң яхшы студентлар якташлыгы һәм иң яхшы татар блогеры.

21 сентябрьдә катнашучыларны котлау һәм бүләкләү өчен танылган дәүләт һәм җәмәгать эшлеклеләре, галимнәр, журналистлар, спортчылар, театр һәм кино артистлары киләчәк.

Чарада Лилия Хәйруллина, Илгиз Шәйхразиев, Рамил Закиров һәм башкалар чыгыш ясаячак.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10