ҺАВА ТОРЫШЫ +3 oC

Яңалыклар

барлык хәбәрләр Татарстан Россия

Җәмгыять

Кремль яр буенда бәйрәмдә Татарстанда җитештерелгән француз сыры тәкъдим ителә

15 сентябрь 2019, 12:22

Фестивальнең фудкортында ачык кухняда әзерләнгән натураль ризыкларны ашап карарга була.

(Казан, 15 сентябрь, "Татар-информ"). Бу көннәрдә Кремль яр буенда Игенчеләр сарае янында “Көзге төсләр” фестивале уза. Биредә Татарстан фермеры француз рецептурасы буенча әзерли торган Камамбер һәм Бри сырларын ашап карарга һәм сатып алырга мөмкин булачак. Бу турыда ТР Авыл хуҗалыгы һәм азык-төлек министрлыгы матбугат хезмәте хәбәр итте.

Ярминкәдә Идел буе җитештерүчеләренең натураль продуктлары: сырлар һәм сырдан десертлар, казылык әйберләре һәм ит деликатеслары, төрле баллар, үлән чәйләре, кедр майлары һәм чикләвекләр, ысланган җиләкләр, киптерелгән җиләк-җимеш сатылачак, Татарстан фермерлары үзләре дә булачак.

Биредә  конкурслар һәм мастер-класслар, шәһәрнең популяр кавер-төркемнәре катнашында концерт программасы була.

Фестивальнең фудкортында ачык кухняда әзерләнгән натураль ризыкларны ашап карарга була, болар: грильдә пешерелгән яшелчәләр, шашлык, фермер казылыклары, крафт пилмәннәре, бургерлар, грильдә пешерелгән мәрмәр ит, чехларча пешерелгән камыр ризыклары һәм кытайча комаклар, диелә хәбәрдә.

Бүген фестивальнең соңгы көне. Ул 13:00 сәгатьтән 20:00 сәгатькә кадәр була. Керү ирекле. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10