ҺАВА ТОРЫШЫ +1 oC

Яңалыклар

барлык хәбәрләр Татарстан Россия

Авыл

Кукмараның “Әсәнбаш-Агро” җәмгыяте игенчеләре уракны тәмамлау алдында

15 сентябрь 2019, 08:23 , Фото: kukmor-rt.ru

Кукмараның “Әсәнбаш-Агро” җәмгыяте игенчеләре уракны тәмамлау алдында Биредә гектарыннан уртача 31-33 центнер ашлык чыга.
(Казан, 16 сентябрь, "Татар-информ", "Хезмәт даны", Ризилә Корбанова). Кукмараның “Әсәнбаш-Агро” җәмгыятендә дә иген кырларының соңгы гектарлары калып бара, дип яза район газетасы. 
 
Без барган көнне комбайннарның “Заря” якларында эшләрен бетереп, паркка кайткан вакытлары иде. Иртәгә “Әсәнбаш” бүлекчәсенең басуларына күчәбез, диделәр.
 
“Әсәнбаш-Агро” җәмгыятенең юлдан тезелеп барган кыр корабларын күргәч, күңелләр дулкынланып куйды. Эшләре гөрли игенчеләрнең. Табигать-Анабыз да илне туендыручы батырлар өчен көнен жәлләмәде: җәй буе тир түгеп үстергән уңышны җыеп алырга мөмкинлек бирде.
 
"Бездә бөртеклеләр 3221 гектар мәйданда игелә, - дип каршы алды безне хуҗалыкның агрономы Рамил Гатауллин. – Кырда җиде комбайн эшли, барысы да – “Полесье”лар. Прицеплы биш КамАЗ машинасы ашлыкны ташып тора. Быел  гектарыннан уртача 31-33 центнер ашлык чыга". 
 
Мул уңыш алуның сәбәбен барлык технологияләрне дә вакытында башкаруда күрә агроном. Башка елларны чәчү белән дә соңга калына иде, диде. Быел алынган “Фиат” чәчү агрегаты эшне тизләтергә ярдәм иткән. Шулай ук яңа кайткан “Барс” сиптергече дә үзенең уңай нәтиҗәсен күрсәткән. Басулар ике-өч тапкыр яфрактан тукландырылган.
 
Югары нәтиҗәле культуралардан биредә рапс үстерәләр. Ул 390 гектар мәйданны били. Әлеге культураны быел корткычлар да үз иттеләр, шуңа башта торышы начар булса да, соңыннан әйбәт кенә күтәрелеп киткән. Узган ел гектарыннан уртача унөч центнер уңыш чыккан булса, быел күбрәккә өметләнәләр. Шулай ук биредә 1700 гектарда кукуруз игәләр. Аның 200-250 гектарын сугарга, калганын силоска салырга планлаштыралар.
 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10