ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Җәмгыять

Баулының Таллыкүл бистәсендә үзара салым акчасына зират коймасын алыштырганнар

14 сентябрь 2019, 02:04

Референдумда балигъ булган һәр кешедән 200әр сум җыю турында карар кабул ителгән булган.
(Казан, 14 сентябрь, "Татар-информ", "Баулы-информ", Кадрия Гыймазова). Баулының Таллыкүл бистәсендә үзара салым акчалары хисабына зират коймасының бер өлешен алыштырганнар. Бу хакта район газетасы хәбәр итә. 
 
Таллыкүлдә зират коймасын алыштыру эше узган елда ук башланган. Референдумда, башланган эшне дәвам итү өчен тавыш биреп, балигъ булган һәр кешедән 200әр сум җыю турында карар кабул ителгән.
 
Нәтиҗәдә 27 мең сум җыелган, республика бюджетыннан тагын 108 мең сум өстәлгән. Шушы көннәрдә подрядчы оешма яңа койма кую эшен төгәлләгән.
 
Урып-җыю эшләре тәмамлангач, Измайлово авылы зиратына да яңа койма кую планлаштырыла. Авыл халкы төзелеш эшләрен, өмә оештырып, үз көчләре белән башкарып чыгарга булганнар. 70 мең сумга төзелеш материалларын инде сатып алганнар.
 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10