ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Җәмгыять

Чебен гөмбәсен яман шештән дәвалану өчен куллану зур хата – Баш токсиколог

13 сентябрь 2019, 14:50 , Фото: Султан Исхаков

Чебен гөмбәсен яман шештән дәвалану өчен куллану зур хата – Баш токсиколог “Яман шештән дәвалану өчен чебен гөмбәсе төнәтмәсе әзерләп кулланучылар бар”, - ди Алия Насыйбуллина.

(Казан, 13 сентябрь, “Татар-информ”, Чулпан Шакирова). ТР Сәламәтлек саклау министрлыгының штаттан тыш баш токсикологы Алия Насыйбуллина сүзләренчә, чебен гөмбәсен (мухомор) яман шештән дәвалану өчен кулланучылар бар. Бу хакта ул бүген “Татар-информ”да узган матбугат конференциясендә сөйләде.

“Халыкта чебен гөмбәсе төнәтмәсе яман шеш авыруларыннан коткара дигән уй яши. Шуңа гөмбәчеләр махсус рәвештә әлеге гөмбәне җыя яки сатып ала. Шәхсән үзем күрдем”, - дип сөйләде табиб.

Алия Насыйбуллина сүзләренчә, чебен гөмбәсе төнәтмәсе эчеп агуланган бер пациент Казан шәһәре 7нче хастаханәсенең токсикология бүлегенә ике тапкыр эләккән.

“Аның кан басымы төшеп бетеп, үзе шок хәлендә иде. Әмма шуңа карамастан, һаман шуның белән мавыгуын дәвам итә”, - диде Алия Насыйбуллина.

Табиб, яман шешкә каршы көрәшәм дип, агулы чебен гөмбәсен белә торып кулланмаска чакыра.

“Без әлеге гөмбәнең яман шештән файдасын исбатлый алмыйбыз, әмма ул, бигрәк тә аның төнәтмәсе организмга зур зыян салуын гына әйтә алабыз”, - диде ТР Сәламәтлек саклау министрлыгының штаттан тыш баш токсикологы Алия Насыйбуллина.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10