ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Җәмгыять

Үзбәкстан туристлар өчен самолет бәяләрен төшерәчәк

13 сентябрь 2019, 11:48 , Фото: архив/Регина Гумарова

Үзбәкстан туристлар өчен самолет бәяләрен төшерәчәк Самолет бәяләре монополияне берничә компаниягә алыштыру хисабына төшәчәк.

(Казан, 13 сентябрь, "Татар-информ", Айгөл Шәйхлисламова). Бүген Татарстанның Диния нәзарәтендә Үзбәкстанның туристик мөмкинлекләрен тәкъдим итү чарасында Үзбәкстан туризмны үстерү буенча Дәүләт Комитеты рәисе Абдулазиз Аккулов самолет бәяләренең төшәчәген әйтте.

“Билет бәяләре алдагы 3-4 айда төшәр дип әйтә алмыйм, ләкин якын киләчәктә билетларның чит ил перевозчикларының артуы хисабына арзанаячак. Элек монополия булганга, билет бәяләрен төшерү мөмкинлеге юк иде. Алдагы елда билет бәясе 30-40 процентка төшәр дип өметләнәбез ”, - диде рәис.

Абдулазиз Аккулов әйтүенчә, самолет бәяләре монополияне берничә компаниягә алыштыру хисабына төшәчәк.

“Бездә хәзер реформа бара. Кызганыч, безнең авиалиния системасында монополия формалашкан иде. Бүгенге көндә Президент карары буенча күчерү, аэропортларны, аэронавигация хезмәтләрен бүлү һәм Үзбәкстанга башка авиакомпанияләрне җәлеп итү бара. Бу авиабилетларны арзанрак бәядән сату мөмкинлеге бирәчәк”, - диде Абдулазиз Аккулов. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10