ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Мәдәният

Халыкара "Татар кызы" финалына үткән кызлар исемлеге 16 сентябрьдә игълан ителә

12 сентябрь 2019, 19:25 , Фото: Рамиль Гали

Халыкара "Татар кызы" халыкара бәйгесе финалы 27 сентябрьдә Удмуртия Республикасының Ижевск шәһәрендә үтәчәк.

(Казан, 12 сентябрь, "Татар-информ", Алинә Айдарова). "Татар кызы" халыкара бәйгесе ярымфиналы 13-15 сентябрьдә Казан шәһәрендә үтәчәк. Финалга чыккан кызлар исемлеге 16 сентябрьдә игълан ителәчәк. Бу хакта "Татар кызы" бәйгесе матбугат хезмәткәре хәбәр итә.

  • Әлеге минутларда Казанда Габдулла Тукай исемендәге Татар дәүләт филармониясендә бара торган "Татар кызы" бәйгесенең республика этабы финалын "Татар-информ" агентлыгы онлайн күрсәтә

13-15 сентябрьдә "Татар кызы" халыкара бәйгесе ярымфиналы кысаларында Татарстан башкаласында берничә сынау булачак: интеллектуаль, аш-су, татар телен, мәдәниятен, тарихын һәм гореф-гадәтләрен тикшерү бәйгеләре, кызлар калфак тегәчәк һәм, Болгар шәһәренә барып, милләтебезнең борынгы тарихы белән танышачак.

Ярымфиналда 27 кыз катнашачак. Жюри әгъзалары алар арасыннан унике кызны сайлап алачак. Әлеге унике кыз Удмуртия Республикасының Ижевск шәһәрендә узачак халыкара финалда катнашачак.

"Бәйгенең максаты – яшьләрдә мәдәни мирасыбызга кызыксыну уяту һәм катнашучыларда яңа белем, күнекмәләр булдыру ярдәмендә татар телен үстерү һәм популярлаштыру, гореф-гадәтләрне саклау", - ди оештыручылар.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10