ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Җәмгыять

Баш нарколог: Татарстанда алкоголизм белән авыручылар саны кими

12 сентябрь 2019, 19:39 , Фото: Султан Исхаков/архив

Баш нарколог: Татарстанда алкоголизм белән авыручылар саны кими
 Резидә Хәева эчкечелек кимү тенденциясе турында сөйләде.

(Казан, 12 сентябрь, «Татар-информ», Әдилә Зиатдинова). Татарстанда 3-5 ел эчендә алкоголь кулланучылар саны кимегән. Бу хакта Татарстан Республикасының баш наркологы Резидә Хәева «Татар-информ» корреспонденты белән сөйләшкәндә хәбәр итте.

«Татарстанда соңгы 3-5 елда эчкечелек белән авыручылар саны һәм исәптә торучы затлар саны кимү күзәтелә, шул исәптән балигъ булмаганнар арасында да. Безнең Татарстанда хәлләр уңай. Яшьләргә йогынты ясый торган тискәре факторларны профилактикалау буенча төрле ведомстволар һәм органнар белән зур профилактик эш алып барыла», — диде Резидә Хәева.

Ул хәзер яшьләрнең азрак эчүен һәм аек яшәү рәвешен, дөньяга психоактив матдәләрсез карау мөмкинлеген сайлавын әйтте. Статистика халык өлешенә карата алкоголь куллануның азаюын күрсәтә, дип өстәде Хәева.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10