ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Татар дөньясы

Ростов-Дон юбилеена Дон татарлары ТАССРның 100 еллыгы турында программа әзерли

12 сентябрь 2019, 12:17 , Фото: tatarstan.ru

Ростов-Дон юбилеена Дон татарлары ТАССРның 100 еллыгы турында программа әзерли Милләтебезне югары дәрәҗәдә күрсәтү – безнең бурыч, ди "Якташлар" җәмгыяте рәисе.

(Казан, 12 сентябрь, “Татар-информ”, Алсу Исмәгыйлева). 14 сентябрьдә Ростов-Дон шәһәренең 270 еллык юбилеена багышланган бәйрәмдә җирле татарларның “Якташлар” җәмгыяте Татарстанның 100 еллыгына багышланган мәдәни программа тәкъдим итәчәк. Бу хакта “Татар-информ” хәбәрчесенә җәмгыять рәисе Марсель Бәдһетдинов хәбәр итте.

Дон татарлары чыгышы бәйрәмнең төп сәхнәсендә булачак, программада берничә татар җыры, “Әпипә” биюе көтелә, татар халкы көнкүрешенә багышланган күргәзмә оештырылачак. “Милләтебезне югары дәрәҗәдә күрсәтү – безнең бурыч. Без программаны җентекләп әзерлибез, ТАССРның 100 еллыгын күрсәтерлек банерлар да эшләттек”, - диде Бәдһетдинов.

Ростов-Дон шәһәре юбилеенда Ростов өлкәсе губернаторы Василий Голубев, Россиянең төрле төбәкләреннән кунаклар булуы көтелә.

Марсель Бәдһетдинов Дон татарларының шәһәрдә узган зур чаралардан читтә калмавын әйтте. Шәһәрдә барлыгы 23 милли җәмгыять бар, юбилей көнендә шуларның тугызы үзләрен күрсәтәчәк. Татарлар чыгышы программада беренче булып тора, диде ул.

  • Ростов өлкәсендә бүгенге көндә 14 мең татар яши.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10