ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Җәмгыять

Санкт-Петербургта татарлар турында фильм төшерәчәкләр

11 сентябрь 2019, 15:42

Фильм төшерү мәдәният һәм кинематография учреждениеләренә ярдәм итү өчен Татарстан Хөкүмәте грантына конкурста катнашу хисабына планлаштырыла.

(Казан, 11 сентябрь, «Татар-информ»). Татарстан Республикасының Санкт-Петербург шәһәрендәге һәм Ленинград өлкәсендәге Даими вәкиллегендә «Петербург татарлары» исемле документаль – тарихи фильмын булдыру концепциясе турында фикер алыштылар. Бу хакта Татарстан Республикасының Санкт-Петербург шәһәрендәге һәм Ленинград өлкәсендәге Даими вәкиллеге матбугат хезмәте хәбәр итә.

Авторлар коллективы Петербургтагы татар халкының Нева ярлары буенда барлыкка килеп, бүгенге көнгә кадәр булган чордагы тормышы һәм эшчәнлеге хакында тарихи фильм булдыруны тәкъдим иткән. Әлеге фильм Төньяк башкала барлыкка килү тарихы да булачак, ә аны булдыруда татар халкы вәкилләренең катнашы зур.

Бер үк вакытта тамашачылар татар халкының күренекле вәкилләре белән бәйле урыннарда бүгенге Петербург буенча экскурсиядә булачак.

Әлеге фильмны иң яхшы мәдәният, сәнгать һәм кинематография учреждениеләренә ярдәм итү өчен Татарстан Республикасы Хөкүмәте грантына конкурста катнашу хисабына төшерү планлаштырыла.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10