ҺАВА ТОРЫШЫ -8 oC

Яңалыклар

барлык хәбәрләр Татарстан Россия

Җәмгыять

Татарстанда авыл хуҗалыгы ярминкәләре иртәнге алтыда ачыла

11 сентябрь 2019, 15:30 , Фото: архив/Рамиль Гали

Татарстанда авыл хуҗалыгы ярминкәләре иртәнге алтыда ачыла "Бәяләр узган елгы дәрәҗәдә сакланыр дип уйлыйм", - диде ТР Авыл хуҗалыгы һәм азык-төлек министрлыгының азык-төлек базарын үстерү бүлеге җитәкчесе.

(Казан, 11 сентябрь, “Татар-информ”, Ләйсән Хафизова). Татарстанда 14 сентябрьдә 19 мәйданчыкта авыл хуҗалыгы ярминкәләре ачыла. Алар иртәнге алтыдан эшли башлый һәм атна саен һәр шимбә көнне Яңа елга кадәр дәвам итәчәк. Бу турыда “Татар-информ”да матбугат очрашуында ТР Авыл хуҗалыгы һәм азык-төлек министрлыгының азык-төлек базарын үстерү бүлеге җитәкчесе Дмитрий Яшин әйтте.

“19 мәйданчыкта ярминкәләр ачыла. Шуларның тугызы Казанда була. Шатерлы мәйданнар ел әйләнәсендә эшли. Алар да ярминкәдә катнашачак. Яр Чаллыда ике мәйданчык була”, - диде Дмитрий Яшин.

Яшин ярминкәләрнең социаль әһәмиятле булуын искәртте. Ул шәһәр халкы өчен дә, авыл хуҗалыгы җитештерүчеләре өчен дә файдалы. Фермерлар үз продукциясен арадашчыларсыз сата ала, ә бу исә продукциянең бәясен киметә.

"Сатучыларга урыннар түләүсез бирелә. Бәяләр белән танышу өчен, ярминкәләргә килегез. Быел да бәяләр узган елгы дәрәҗәдә сакланыр дип уйлыйм. Республика җитәкчелеге проектны хуплый. Сатучыларга транспорт чыгымнары кайтарылачак", - диде Дмитрий Яшин.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10