ҺАВА ТОРЫШЫ +3 oC

Яңалыклар

барлык хәбәрләр Татарстан Россия

Җәмгыять

Ярминкәләрдә бары тик Татарстанда җитештерелгән азык-төлек кенә сатылачак

11 сентябрь 2019, 14:11 , Фото: Рамиль Гали

Ярминкәләрдә бары тик Татарстанда җитештерелгән азык-төлек кенә сатылачак “Татарстанда “Меркурий” системасында теркәлмәгән фермер хуҗалыклары калмады”, - диде Идрис Гатин.

(Казан, 11 сентябрь, “Татар-информ”, Ләйсән Хафизова). 14 сентябрьдә Татарстанда авыл хуҗалыгы ярминкәләре эшли башлый. Биредә бары тик республикада җитештерелгән азык-төлек продуктлары, авыл хуҗалыгы товарлары гына сатылачак. Бу турыда “Татар-информ”да ярминкәләрне оештыруга багышланган матбугат очрашуында ТР буенча Россельхознадзор идарәсендә дәүләт ветеринария күзәтчелеге бүлеге башлыгы Идрис Гатин әйтте.

“Бөтен продукция районнардан килә, алар барысы натураль. Һәр әйбернең электрон ветеринария документы бар. Татарстанда “Меркурий” системасында теркәлмәгән фермер хуҗалыклары калмады диярлек. Ветеринария күзәтчелеге тикшерә торган барлык продукция ит, балык, башка продуктлар сертификатлы була”, - диде ул.

Ярминкәләрне атна саен тикшереп торалар, барлык документлар булуын карыйлар. Сыйфат таныклыкларын тикшерәләр. “Ярминкә азагына кадәр һәр сатучы таләпләрне үтәвен тикшереп торабыз. Аеруча сөт продуктларының, сырларның савыты, тартмасы, маркировкасы, этикеткасы сакланырга тиеш”, - дип аңлатты Идрис Гатин. 

Ярминкәләр 14 сентябрьдән башлап Яңа елга кадәр атна саен оештырылачак. Сәүдә мәйданчыкларында социаль юнәлешле бәяләр куелган авыл хуҗалыгы продукциясе тәкъдим ителәчәк. Шәһәрлеләр азык-төлек продуктлары гына түгел, ә авыл хуҗалыгы ихтыяҗлары өчен продукция, әйтик, печән, салам, утын һәм башкаларны сатып ала алачак.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10