ҺАВА ТОРЫШЫ +3 oC

Яңалыклар

барлык хәбәрләр Татарстан Россия

Хәвеф-хәтәр

Бөгелмәдә машина белән поезд бәрелешү нәтиҗәсендә алты яшьлек кыз һәлак булган

11 сентябрь 2019, 12:19

Машина йөртүче хатын-кыз тимер юл кичүендә светофорның тыелган сигналына чыккан.

(Казан, 11 сентябрь, “Татар-информ”). Бөгелмә районында тимер юл кичүенә чыккан җиңел машинаны тепловоз бәрдергән. Бу хакта республиканың Дәүләт автомобиль инспекциясендә хәбәр иттеләр.

“Кичә көндез Акбаш-Аккүл юлының 4 нче чакрымында 12 модельле “Лада” автомобилен йөртүче 34 яшьлек хатын-кыз тимер юл кичүендә светофорның кызыл утына чыккан. Шул мизгелдә машинаны поезд бәрдергән”, - диделәр Дәүләт автомобиль инспекциясендә.

Авария нәтиҗәсендә, йөртүче хатын-кызны һәм алты яшьлек кызны хастаханәгә алып киткәннәр.

Бөгелмә район үзәк хастаханәсендә хәбәр итүләренчә, алган яраларыннан кыз бүген иртән вафат булган.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10