ҺАВА ТОРЫШЫ +3 oC

Яңалыклар

барлык хәбәрләр Татарстан Россия

Җәмгыять

Роспотребнадзор ресторанда агуланган очракта нәрсә эшләргә икәнен аңлатты

11 сентябрь 2019, 11:49

Табибка мөрәҗәгать итәргә, шаһитләрне табарга һәм ресторан хуҗасына шикаять язарга кирәк.

(Казан, 11 сентябрь, “Татар-информ”). Роспотребнадзор экспертлары ресторанда агуланган очракта нәрсә эшләргә кирәклеген аңлатты. Әлеге киңәшләр ведомствоның рәсми сайтында чыккан.

Белгечләр иң элек табибка мөрәҗәгать итәргә куша. Бу квалификацияле ярдәм һәм медицина нәтиҗәсен алу өчен кирәк. Бу сәламәтлеккә килгән зыянның нәкъ тә ресторандагы кичке аш аркасында булуын исбатлау өчен кирәк. Ул медицина йомгаклавында күрсәтелергә тиеш.

Ресторанда бирелгән чекны яки банк картасы чегын һичшиксез сакларга, шулай ук шаһитләрне табарга кирәк.

Соңыннан ресторан хуҗасына шикаять язарга, аңа медицина йомгаклавы һәм чек күчерелмәсен өстәргә кирәк. Шикаятьтә кичке ашның бәясен, дәвалану һәм больничный озакка сузылган очракта югалган хезмәт хакы өчен компенсация таләп итәргә була.

Шикаятьне тапшыру турындагы хәбәр белән заказлы хат итеп җибәрергә кирәк. Әгәр хәлне тыныч кына чишеп булмый икән, судка мөрәҗәгать итәргә кирәк.

“Судка гариза бирүдән тыш, сез Роспотребнадзорга шикаять язарга да хокуклы. Санитария, кулланучылар хокуклары өлкәсендәге законнарны бозу очраклары табылса сезнең шикаять каралачак”, - диделәр Роспотребнадзорда.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10