ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Рәсми Татарстан

Принц Кәрим Ага Хан IV халыкара премия тапшыру өчен Татарстанга киләчәк

11 сентябрь 2019, 09:40 , Фото: архив

Принц Кәрим Ага Хан IV халыкара премия тапшыру өчен Татарстанга киләчәк Приз фондының алтынчы өлешен – якынча 166 мең долларны Татарстан алыр дип көтелә.

(Казан, 11 сентябрь, “Татар-информ”). Архитектура буенча абруйлы халыкара премиягә нигез салучы принц Кәрим Ага Хан IV бүген Татарстанга киләчәк. Галиҗәнаб Кәрим Ага Хан республикада шимбәгә кадәр калырга, Болгарны, Казан Кремлен һәм архитектура буенча халыкара премия ияләрен бүләкләү тантанасында катнашырга планлаштыра. Бу хакта “Татар-информ”га Татарстан Президентының матбугат хезмәтендә хәбәр иттеләр.

“Галиҗәнаб принц Кәрим Ага Ханның Казанга килүе көтелә. Аны Татарстанның Дәүләт киңәшчесе Минтимер Шәймиев каршы алачак”, - диделәр матбугат хезмәтендә.

Кәрим Ага Хан IV Татарстан тарихы белән танышуны пәнҗешәмбе көнне Болгар шәһәрендә башлаячак. Принц Болгар шәһәрчеген, Болгар ислам академиясен, Ак мәчетне карарга һәм Татарстанга Ага Хан премиясе тапшырылу уңаеннан махсус почта маркасын чыгару тантанасын уздырырга планлаштыра. Әйләнешкә 150 мең данә чыгарылачак, ә махсус штемпельләрне Мәскәү, Казан һәм Болгар алачак.

Җомга көнне принц архитектура өлкәсендә Ага Хан халыкара премиясе җиңүчеләрен бүләкләү тантанасында катнашачак. Тантана Муса Җәлил исемендәге Татар дәүләт опера һәм балет театрында узачак. Анда лауреатлар һәм мәртәбәле кунаклар, шул исәптән Федерация Советы рәисе урынбасары Ильяс Умаханов та чакырылган.

  • Ага Хан IV тарафыннан гамәлгә куелган архитектура өлкәсендә дөньядагы иң зур бүләкләрнең берсе быел 6 финал проектлары һәм Татарстанның иҗтимагый киңлекләрен үстерү буенча киңкүләмле программа арасында тапшырылды. Республика бүләк фондының алтынчы өлешен — якынча 166 мең доллар алачак дип көтелә. Бу акчаларның бер өлеше республикага ислам архитектурасы өлкәсендә экспертларны җәлеп итүгә тотылачак.

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10