ҺАВА ТОРЫШЫ +4 oC

Яңалыклар

барлык хәбәрләр Татарстан Россия

Авыл

Апастагы һәвәскәр автоконструктор пикап ясаган

11 сентябрь 2019, 04:25 , Фото: apastovo.ru

Апастагы һәвәскәр автоконструктор пикап ясаган Дизель двигатальле ретроавтомашина бер тонна йөк ташый ала.
(Казан, 11 сентябрь, "Татар-информ", "Йолдыз", Ришат Җамалиев). Апасның Кыр урамында яшәүче Фәнис Абдрахманов моннан 60 еллар элек чыккан ГАЗ-69 вездеход җиңел автомашинаны Каратундагы металл ватыгы базасыннан табып кайткан иске детальләрне кулланып автопикап итеп ясаган. Бу хакта "Йолдыз" газетасы яза.
 
Дизель двигатальле ретроавтомашина бер тонна йөк ташый ала. Моннан тыш һәвәскәр автоконструктор үз гаражында бик күп трактор-машиналар яңартты һәм тагылмалар да ясады.
 
Апаста тагын бер бик оста куллы һәвәскәр, әле пенсиягә чыккач та күп еллар токарь булып эшләгән Әгъзам Шәрәфетдинов та моннан 15 еллар элек үз куллары белән трактор җыйды. Андыйлар районда бихисап, без белмәсәк, алар турында сайтка язып элегез, аларны  барып күрербез һәм осталарның иҗат җимешләре белән рәхәтләнеп танышырсыз.
 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10