ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Җәмгыять

Рөстәм Миңнеханов: Дәүләт Советы депутатларын сайлау уңышлы тәмамланды

10 сентябрь 2019, 13:43 , Фото: tatarstan.ru

Рөстәм Миңнеханов: Дәүләт Советы депутатларын сайлау уңышлы тәмамланды "Уртак тырышлык куеп, республикабызның киләчәктә тагын да үсешенә һәм алгарышына ирешербез дип ышанам", диелә мөрәҗәгать текстында.

(Казан, 10 сентябрь, "Татар-информ"). Татарстан Республикасы Президенты Рөстәм Миңнеханов сайлау тәмамлану уңаеннан, Татарстан халкына мөрәҗәгать итте.

Хөрмәтле татарстанлылар! Алтынчы чакырылыш Татарстан Республикасы Дәүләт Советы депутатларын сайлау уңышлы тәмамланды.

Республика парламентының вәкиллекле составы төзелде. Аның алдында социаль-икътисади үзгәртеп коруларны законнарга нигезләп уздыруны тәэмин итү, гражданнарның иҗтимагый башлангычларына, социаль әһәмияткә ия проектларда катнашуына һәрьяклап ярдәм күрсәтү кебек мөһим бурычлар тора.

Актив рәвештә тавыш биргән, кызыклы тәкъдимнәрен һәм фикерләрен белдергән татарстанлыларга чын йөрәктән рәхмәтемне җиткерәм. Бу тәкъдим-фикерләрне гамәлгә ашыру юнәлешендә бергәләп эшләү хакимиятнең барлык дәрәҗәләренә аеруча зур җаваплылык йөкли.

Сайлау комиссияләре әгъзаларына, күзәтчеләргә, хокук саклау органнары хезмәткәрләренә аеруча ихлас рәхмәт сүзләре әйтәсем килә. Сезнең хезмәтегез нәтиҗәсендә Татарстанда сайлау, гомумән алганда, оешкан төстә узды.

Кадерле дуслар! Алда безне зур эшләр көтә. Уртак тырышлык куеп, республикабызның киләчәктә тагын да үсешенә һәм алгарышына ирешербез дип ышанам, диелә мөрәҗәгать текстында.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10