ҺАВА ТОРЫШЫ +8 oC

Яңалыклар

барлык хәбәрләр Татарстан Россия

Җәмгыять

Россиядә алкогольне мобиль кушымта буенча сатып алырга рөхсәт ителәчәк

10 сентябрь 2019, 08:22

Мәскәүдә 2020 елның беренче яртысында электрон паспортлар буенча алкоголь һәм тәмәке продукциясен сату буенча экспериментны башларга планлаштыралар.

(Казан, 10 сентябрь, "Татар-информ"). Киләсе елда Мәскәүдә алкогольне мобиль кушымта буенча сатып алырга мөмкин булачак. Бу хакта «Известия» газетасына биргән интервьюсында РФ вице-премьеры Максим Акимов хәбәр итте.

Әлеге яңалык электрон паспортларны кертү буенча эксперимент кысаларында тормышка ашырылачак. Шулай итеп, алкоголь яки тәмәке продукциясе сатып алганда, документларның кәгазь версиясен күрсәтү урынына, мәскәүлеләргә кесә телефоныннан файдалану да җитә.

"Мәскәүдә экспериментны 2020 елның беренче яртысында башларбыз дип уйлыйм», - дип сөйләде РФ вице-премьеры.

Кушымтадан файдалану өчен, аны күчереп алырга, аннары аутентификация узарга һәм аны дәүләт хезмәтләре Порталы белән синхронлаштырырга кирәк булачак. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10