ҺАВА ТОРЫШЫ +6 oC

Яңалыклар

барлык хәбәрләр Татарстан Россия

Мәдәният

Татарстан фольклор музыкасы дәүләт ансамбле “Идел-йорт” фильмында төшәчәк

9 сентябрь 2019, 17:12 , Фото: Рамиль Гали/архив

Татарстан фольклор музыкасы дәүләт ансамбле “Идел-йорт” фильмында төшәчәк Фильмның кереш өлешендә язучы Нурихан Фәттах әсәреннән өзекләр кулланылачак.

(Казан, 9 сентябрь, “Татар-информ”, Зилә Мөбәрәкшина). Татарстан фольклор музыкасы дәүләт ансамбле быел “Идел-йорт” дип исемләнгән кыска метражлы фильмда төшәчәк. Бу хакта “Татар-информ”да үткән матбугат очрашуында ансамбльнең сәнгать җитәкчесе Айдар Фәйзрахманов хәбәр итте.

“Бу проектны клипта төшү буларак башлаган идем, әмма ул зурга үсеп чыкты. Филармония директоры Кадыйм Нуруллин клипны кыска булуын әйтте. “Әйдәгез, фильм төшерик”, - диде ул. Ул кыска метражлы “Идел-йорт” дип аталачак. Бу эшләргә сентябрьдә старт биреләчәк”, - диде ул.

Айдар Фәйзрахманов сүзләренчә, фильмның музыкасы инде әзер. “Кереш өлешләрендә татар язучысы Нурихан Фәттахның прозасыннан өзекләр кулланылачак.

Фильмны Башкортстаннан танылган оператор Рияз Исхаков төшерәчәк. “Без аның белән “Заман” дигән клипны төшердек, шулай ук без аны “Җидегән” эпик фильмыннан беләбез”, - диде Айдар Фәйзрахманов.

“Моннан тыш, өстәп әйтәсем килә, күбегез белә, минем һәм филармония тарафыннан ансамбльнең ике җыентыгы дөнья күргән иде. Без бу көннәрдә өченче томны әзерләп ятабыз, ул күпкә күләмлерәк булачак”, - диде фольклор ансамбле җитәкчесе.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10