ҺАВА ТОРЫШЫ +8 oC

Яңалыклар

барлык хәбәрләр Татарстан Россия

Хәвеф-хәтәр

Казанда пассажир һәм җәяүле зыян күргән ике авариянең шаһитларын эзлиләр

9 сентябрь 2019, 13:14

Юл һәлакәтләре нәтиҗәсендә ир-атның – башына, хатын-кызның күкрәк читлегенә зыян килгән.

(Казан, 9 сентябрь, «Татар-информ»). Казан шәһәре Дәүләт автоинспекциясе автобус пассажиры һәм җәяүле зыян күргән ике авариянең шаһитларын эзли. Бу хакта шәһәрнең ЮХИДИ идарәсеннән хәбәр иттеләр.

«5 сентябрьдә 55нче автобуста 43 яшьлек пассажир егылган. Автобус йөртүче, юл хәрәкәте кагыйдәләрен бозып, китеп барган, зыян күрүченең башы җәрәхәтләнгән. Икенче көнне «Хэнде» автомобиле Достоевский урамындагы җир асты парковкасында 52 яшьлек хатын-кызны бәрдергән. Машина йөртүче авария урыныннан качып киткән, хатын-кызның күкрәк читлегенә зыян килгән», - дип белдерделәр Дәүләт автоинспекциясендә.

Казан шәһәре Дәүләт автоинспекциясе, әлеге аварияләрне үз күзләре белән күрүчеләр булса, түбәндәге телефоннар буенча хәбәр итүләрен сорый: (843) 5-333-819, 5-333-848. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10